Kofenin Faydaları

Kofe içmək zərərlidir, yoxsa faydalı? Bu suala aydın cavab yoxdur. Təbii ki, tez-tez qəbul edilən hər hansı bir məhsul zərərli olduğu kimi, çox miqdarda və tez-tez qəbul edildikdə kofe də zərərli ola bilər. Kofe öz təsirini sizi daha enerjili hiss etdirən təbii stimulyator olan kofeindən alır. Bir kofe içkisi üçün kofeinin miqdarı içkinin hazırlanmasından və tərzindən asılı olaraq dəyişir. Kofein yaddaş, əhval-ruhiyyə və zehni funksiyanı yaxşılaşdırmaq üçün beyninizə təsir göstərir .

O, bir sıra antioksidantların və polifenolların mənbəyidir. Bu birləşmələr bir neçə xroniki xəstəliklərin qarşısının alınmasında rol oynaya bilər. Bunlara:

-Bir neçə növ xərçəngin qarşısının alınması (kolorektal xərçəng, endometrial xərçəng, qaraciyər xərçəngi, ağız xərçəngi, prostat xərçəngi və s.)

-2-ci tip diabetin inkişaf riskinin azalması

-Alzheimer və parkinson xəstəliklərinin qarşısının alınması

-Ürək xəstəliyi riskinin azalması və s. daxildir.

Kofe qəbul etdikdən əvvəl bol su içdiyinizə əmin olun, çünki kofein sidikqovucu kimi fəaliyyət göstərir və susuzlaşdırma riskini artıra bilər. Hamilə olan, hamilə qalmağa çalışan və ya süd verən qadınlar kofe içməzdən əvvəl həkimləri ilə məsləhətləşməlidirlər. Kofeinin təsirinin aradan qalxması üçün təxminən altı saat vaxt lazımdır, buna görə də kofe içməyi günün erkən saatlarına qədər məhdudlaşdırmağa çalışın. Kofe içməyin sağlamlığa faydası olsa da, həddindən artıq qəbulun mənfi təsirləri ola biləcəyini qeyd etmək vacibdir. Gündə beş və ya daha çox fincan kofe içirsinizsə, narahatlıq və yuxu problemlərini inkişaf etdirmə ehtimalınız daha yüksəkdir. Hər şeydə olduğu kimi, kofeni də normada qəbul etmək məsləhət görülür.